William Saliba, miðvörður Arsenal og franska landsliðsins, verður frá næstu þrjár til fjórar vikurnar vegna ökklameiðsla.
Varnarmaðurinn meiddist í upphitun í 1-0 tapinu gegn Liverpool, en ákvað samt að spila leikinn.
Hann entist í tæpar fimm mínútur áður en hann þurfti að biðja um skiptingu.
L'Equipe segir að Saliba verði ekki með í næstu leikjum Arsenal en samkvæmt miðlinum verður hann frá í þrjár til fjórar vikur.
Á þessum tíma spilar Arsenal sex leiki. Það mætir Nottingham Forest, Manchester City og Newcastle United í deildinni ásamt því að spila við Athletic og Olympiakos í Meistaradeildinni. Þar inn á milli er leikur í deildabikarnum gegn Port Vale.
Saliba er einng af mikilvægustu leikmönum Arsenal og hefur, ásamt Gabriel, myndað eina bestu vörn úrvalsdeildarinnar. Þetta þýðir að Mikel Arteta mun þurfa að treysta á krafta nýja mannsins, Cristhian Mosquera, sem kom frá Valencia í sumar.
Athugasemdir
