Peter Crouch, fyrrum framherji Tottenham og Liverpool í ensku úrvalsdeildinni og enska landsliðsins, var lukkustrákur á leik í ensku utandeildinni um helgina.
Crouch tapaði veðmáli í Fantasy deild með vinum sínum og þurfti að mæta til leiks sem lukkustrákur þegar Farnham spilaði við Sholing.
Crouch er rúmir 2 metrar á hæð og var því afar fyndin sjón að sjá hann í hlutverki lukkustráks fyrir upphafsflautið. Hann leiddi leikmann Farnham út á völlinn eftir að hafa fengið 'fulla reynsluferð' af því hvernig er að vera lukkustrákur á leikdegi hjá utandeildarfélaginu.
Það fóru nokkrar klukkustundir í þetta verkefni hjá Crouch, þar sem hann varði stórum hluta dagsins með hinum lukkustrákunum hjá Farnham og snæddi meðal annars kvöldverð með þeim.
Sjáðu upprunalega frétt á vefsíðu The Sun, með skemmtilegu myndefni.
Peter Crouch walking out as a mascot for Farnham Town
byu/oklolzzzzs insoccer
Athugasemdir
