Michael O’Neill, landsliðsþjálfari Norður-Írlands, er að taka við Stoke City í Championship-deildinni. The Athletic segir frá.
Nathan Jones var rekinn frá Stoke fyrir tæpri viku síðan eftir hörmulega byrjun á tímabilinu.
O’Neill mun tvöfalda laun sín með skiptunum til Stoke, hann fer úr því að þéna 750 þúsund pund á ári í 1,5 milljón punda.
Stoke á enn eftir að semja við knattspyrnusambandið í Norður-Írlandi til að leysa O’Neill undan samningi, en hann er persónulega búinn að samþykkja fjögurra ára samning hjá Stoke.
Hann mun klára undankeppni EM 2020 með Norður-Írlandi. Líklegt er að Norður-Írar fari í umspilið, en ólíklegt er að hann muni þá stýra liðinu í því.
Hjá Stoke bíður hans ærið verkefnið. Stoke er á botni Championship-deildarinnar með aðeins átta stig eftir 15 leiki.
Athugasemdir