Garnacho með munnlegt samkomulag við Chelsea

Félagaskiptasérfræðingurinn Fabrizio Romano greinir frá því að Alejandro Garnacho sé búinn að ná munnlegu samkomulagi við Chelsea um kaup og kjör.

Garnacho er ekki í myndinni hjá Rúben Amorim, stjóra Manchester United, og er til sölu. Sagt er að United sé með 50 milljóna punda verðmiða á honum.

Chelsea hefur enn ekki lagt fram formlegt tilboð.

Garnacho var með sex mörk í 36 leikjum á síðasta tímabili en hann er 21 árs gamall. Hann lenti upp á kant við Amorim sem er ekki ánægður með framkomu leikmannsins.