Oxford United 0 - 3 Arsenal
0-1 Mohamed Elneny ('63 )
0-2 Edward Nketiah ('70 )
0-3 Edward Nketiah ('76 )
Arsenal er komið áfram í enska bikarnum eftir sigur á Oxford og það verður stórleikur í næstu umferð þar sem Arsenal heimsækir Manchester City.
Markalaust var í hálfleik en það var ansi lokað í fyrri hálfleiknum þar sem hvorugt liðið náði að ógna markinu.
Arsenal komst loksins á flug eftir rúmlega klukkutíma leik þegar Mohamed Elneny kom liðinu yfir með skalla eftir fyrirgjöf frá Fabio Vieira.
Vieira var aftur á ferðinni nokkrum mínútum síðar þegar hann sendi boltann í gegn á Eddie Nketiah sem lék á markvörð Oxford og kom boltanum yfir línuna á opið markið.
Nketiah bætti síðan við öðru marki sínu og þriðja marki Arsenal og tryggði liðinu 3-0 sigur.
Emile Smith-Rowe kom inn á á 75. mínútu en þetta var fyrsti leikurinn hans í nokkra mánuði eftir að hafa verið frá vegna meiðsla.
Liðið mætir því Manchester City í næstu umferð sem vann öruggan sigur á Chelsea.
