Liverpool leiðir kapphlaupið um enska miðvörðinn Marc Guehi en þetta kemur fram í Telegraph í dag.
Guehi er 25 ára gamall og gegnir hlutverki fyrirliða hjá Palace, en Lundúnafélagið gæti neyðst til þess að selja hann fyrir gluggalok.
Englendingurinn hefur ekki áhuga á að framlengja samninginn sem rennur út á næsta ári.
Telegraph segir Liverpool leiða baráttuna en að félagið muni ekki leggja fram tilboð fyrr en nær dregur gluggalokum í von um að Palace lækki 50 milljóna punda verðmiðann.
Síðustu daga hefur verið rætt að Chelsea gæti farið á eftir Guehi í kjölfarið af því að Levi Colwill sleit krossband, en samkvæmt Mike McGrath hjá Telegraph hefur félagið engin áform um að skrá sig í baráttuna.
Chelsea er að skoða aðra leikmenn í miðvarðarstöðuna en Mario Gila hjá Lazio og Ronald Araujo hjá Barcelona hafa báðir verið orðaðir við félagið ásamt ítalska leikmanninum Giorgio Scalvini sem spilar með Atalanta.
Athugasemdir
