De Gea gerði mistök í markinu
Manchester United vann Snapdragon-bikarinn í síðasta æfingaleik liðsins á undirbúningstímabilinu eftir að hafa lagt Fiorentina að velli eftir vítakeppni á Old Trafford í dag.
Ekki byrjaði það vel fyrir United sem lenti undir eftir tæplega átta mínútna leik.
Albert Guðmundsson átti hnitmiðaða hornspyrnu inn á Simon Sohm í teignum sem skoraði með góðu skoti í hægra hornið.
United svaraði rúmum stundarfjórðungi síðar og kom það mark líka eftir hornspyrnu. Hornspyrnan virkaði ekkert sérstaklega hættuleg en hún varð það þegar David De Gea datt í markinu og var það Robin Gosens sem stýrði boltanum í eigið net. Neyðarlegt hjá De Gea gegn sínum gömlu félögum.
Hann lét þessi mistök ekki á sig fá og aðeins fimm mínútum síðar átti hann stórkostlega vörslu frá Leny Yoro sem skallaði fyrirgjöf Bryan Mbeumo í átt að marki.
Hálftíma fyrir leikslok komst Matheus Cunha nálægt því að bæta við öðru fyrir United en De Gea náði rétt svo að koma fingrunum í boltann og aftur fyrir endamörk.
Fleiri urðu mörkin ekki á Old Trafford og þurfti því að knýja fram sigurvegara í vítakeppni. Man Utd skoraði úr öllum fimm vítum sínum. Altay Bayindir, markvörður United, tókst að verja fimmta og síðasta víti Fiorentina og tryggja þeim SnapDragon-bikarinn.
Altay Bayindir's save and Kobbie Mainoo's finish mean the Reds win! ????
— Manchester United (@ManUtd) August 9, 2025
???? ? ? ? ? ?
?? ? ? ? ? ?
Athugasemdir
