Sjá einnig:
Viðtalið við Eið Smára
Hannes Þór leggur landsliðshanskana á hilluna
Hannes fær fallegar kveðjur - „Sýndir okkur að það er víst allt hægt í þessu"
„Heiður fyrir mig að fá að fylgjast með honum"

„Okkur fannst Hannes kjörinn í þennan leik út af reynslunni. Hann hefur eiginleika fyrir þennan leik sem eru betri en það sem Rúnar Alex er með. Við vonumst eftir sömu frammistöðu frá Hannesi og við höfum séð frá honum síðustu tíu á. Við vitum að Hannes verður ekki með okkur næstu þrjú árin, eða hvað sem það er, en þetta er leikurinn fyrir hann að okkar mati. Rúnar Alex á framtíðina fyrir sér, eins og Patrik. Framtíðin er björt hvað þessi mál varðar. Í dag fannst okkur þetta rétta ákvörðunin," sagði Eiður í viðtali við RÚV.

Áður en Hannes tilkynnti sjálfur í viðtali eftir leik að þetta hefði verið lokaleikurinnn með landsliðinu var upptaka á Innkastinu hafin.

„Ef þetta var kveðjuleikurinn hans þá hefði ég viljað fá það tilkynnt," sagði Tómas. Skömmu síðar fengu meðlimir þáttarins þau skilaboð að Hannes væri hættur með landsliðinu.

„Nú meika orð Eiðs Smára miklu, miklu, miklu meiri sens," sagði Tómas.

Annað í liðsvalinu var til umræðu. Hver er aðalmarkvörður, hringl í miðvarðarstöðunni við hlið Brynjars Inga Bjarnasonar, enginn einn fyrirliði og af hverju Þórir Jóhann Helgason byrjaði en ekki Jón Dagur Þorsteinsson.