Cristiano Ronaldo lagði upp mark á aðfangadag
Portúgalski sóknarmaðurinn Cristiano Ronaldo var óvænt í byrjunarliði Al Nassr sem vann 5-1 stórsigur á Al Zawraa frá Írak í B-Meistaradeildinni í Asíu í kvöld.
Al Nassr var að spila síðasta leik sinn í riðlakeppninni en Ronaldo hafði ekki komið við sögu í keppninni fram að þessum leik.
Hann hafði ekki einu sinni verið í leikmannahópnum og var hann líklega þar að hugsa um álagsstýringu enda að detta inn á 41. aldursár.
Það kom því á óvart að hann hafi byrjað í lokaleik riðilsins í kvöld, en hann lagði upp fjórða mark liðsins. Kingsley Coman, Wesley, Abdulelah Al Amri og Joao Felix skoruðu mörkin í fyrri hálfleiknum þar sem Ronaldo lagði upp fyrir samlanda sinn áður en honum var skipt af velli í hálfleik.
Coman bætti við öðru marki sínu í seinni hálfleiknum. Al Nassr vann alla sex leiki sína í riðlinum og eru komnir örugglega áfram í 16-liða úrslit.
????????| GOAL: JOAO FELIX MAKES IT FOUR WITH AN ASSIST FROM CRISTIANO RONALDO!!
— CentreGoals. (@centregoals) December 24, 2025
Al Nassr 4-0 Al Zawraapic.twitter.com/nE1lVEsnsS
Athugasemdir
