Bayern München er komið í toppsæti þýsku deildarinnar eftir að hafa unnið Duisburg 4-0 í kvöld.
Glódís Perla Viggósdóttir byrjaði í vörn Bayern í dag en þær Cecilía Rán Rúnarsdóttir og Karólína Lea Vilhjálmsdóttir á bekknum.
Bayern var einu marki yfir í hálfleik en gerði síðan út um leikinn í þeim síðari með þremur mörkum.
Karólína Lea kom inná sem varamaður á 78. mínútu leiksins en Bayern er nú komið í toppsæti þýsku deildarinnar með 37 stig, einu stigi meira en Wolfsburg.
Wolfsburg mætir Bayer Leverkusen á sunnudag og getur þá endurheimt toppsætið.
Athugasemdir
