Lecce var betra liðið í dag og komst verðskuldað í forystu á 23. mínútu er Nikola Krstovic stýrði boltanum í netið af stuttu færi eftir að hafa fengið stungusendingu frá Tete Morente.

Verona-menn voru ekki líklegir til að jafna áður en hálfleikurinn var úti og má segja að jöfnunarmarkið hafi komið eins og þruma úr heiðskíru lofti þegar Diego Coppola stangaði fyrirgjöf Tomas Suslov í netið.

Heimamenn náðu að ranka við sér eftir slakan fyrri hálfleik og fengu tvö góð færi til að komast yfir. Suat Serdar átti skot sem markvörðurinn varði og þá klúðraði markaskorarinn Coppola dauðafæri úr teignum.

Lecce reyndi að kreista fram sigurmark undir lokin. Varamaðurinn Medon Berisha komst næst því að skora það þegar hann skaut föstu skoti við vítateigslínuna en var óheppinn að skora ekki.

Sigurmarkið kom ekki og þurfti Lecce að sætta sig við 1-1 jafntefli. Liðið er með 28 stig í 17. sæti en Verona í 15. sæti með 33 stig og nánast búið að bjarga sér frá falli.

Botnlið Monza vann óvæntan 2-1 sigur á Udinese. Þetta var annar sigur liðsins á árinu og sá fyrsti síðan í janúar.

Keita Balde var hetja Monza með marki undir lok leiksins. Sigurinn gerir ekki mikið fyrir Monza sem er nú þegar fallið niður um deild.

Verona 1 - 1 Lecce
0-1 Nikola Krstovic ('23 )
1-1 Diego Coppola ('41 )

Udinese 1 - 2 Monza
0-1 Gianluca Caprari ('52 )
1-1 Lorenzo Lucca ('75 )
1-2 Keita Balde ('90 )