Joaquín Correa og Marko Arnautovic munu ekki vera áfram hjá Inter á næstu leiktíð. Þeir verða falir á frjálsri sölu þegar samningar þeirra renna út í sumar.
Correa er þrítugur sóknarleikmaður sem hefur komið við sögu í 19 leikjum á tímabilinu, nánast eingöngu sem varamaður sem kemur inn af bekknum.
Hann hefur í heildina komið að 20 mörkum með beinum hætti í 96 leikjum á dvöl sinni hjá Inter.
Correa verður líklega eftirsóttur á markaðnum í sumar en hann hefur meðal annars leikið fyrir Sevilla og Lazio á ferlinum og var á láni hjá Marseille í fyrra, en gekk ekki vel í franska boltanum.
Correa er með 20 landsleiki að baki fyrir Argentínu og vann Copa América með liðinu 2021.
Arnautovic er aftur á móti 36 ára gamall en virðist ekki hafa nein áform um að hægja á sér. Þessi öflugi framherji er goðsögn í heimalandi sínu Austurríki og er leikjahæsti leikmaður í sögu landsliðsins.
Arnautovic hefur komið að 9 mörkum í 26 leikjum með Inter á tímabilinu þar sem hann hefur verið ofar í goggunarröðinni hjá Simone Inzaghi heldur en Correa.
Arnautovic hefur komið víða við á ferlinum og á meðal annars leiki að baki fyrir Werder Bremen, West Ham United og Bologna.
Arnautovic og Correa eru báðir partur af liði Inter sem er í harðri titilbaráttu við Napoli á lokametrum ítalska deildartímabilsins.
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Napoli | 36 | 23 | 9 | 4 | 57 | 27 | +30 | 78 |
| 2 | Inter | 36 | 23 | 8 | 5 | 75 | 33 | +42 | 77 |
| 3 | Atalanta | 35 | 20 | 8 | 7 | 71 | 31 | +40 | 68 |
| 4 | Juventus | 36 | 16 | 16 | 4 | 53 | 33 | +20 | 64 |
| 5 | Lazio | 36 | 18 | 10 | 8 | 59 | 46 | +13 | 64 |
| 6 | Roma | 35 | 18 | 9 | 8 | 50 | 32 | +18 | 63 |
| 7 | Bologna | 36 | 16 | 14 | 6 | 54 | 41 | +13 | 62 |
| 8 | Milan | 36 | 17 | 9 | 10 | 58 | 40 | +18 | 60 |
| 9 | Fiorentina | 35 | 17 | 8 | 10 | 53 | 35 | +18 | 59 |
| 10 | Como | 36 | 13 | 9 | 14 | 48 | 49 | -1 | 48 |
| 11 | Torino | 36 | 10 | 14 | 12 | 39 | 42 | -3 | 44 |
| 12 | Udinese | 36 | 12 | 8 | 16 | 39 | 51 | -12 | 44 |
| 13 | Genoa | 36 | 9 | 13 | 14 | 32 | 45 | -13 | 40 |
| 14 | Cagliari | 36 | 8 | 9 | 19 | 37 | 54 | -17 | 33 |
| 15 | Verona | 36 | 9 | 6 | 21 | 31 | 64 | -33 | 33 |
| 16 | Parma | 36 | 6 | 14 | 16 | 41 | 56 | -15 | 32 |
| 17 | Empoli | 36 | 5 | 13 | 18 | 29 | 56 | -27 | 28 |
| 18 | Lecce | 36 | 6 | 10 | 20 | 25 | 58 | -33 | 28 |
| 19 | Venezia | 35 | 4 | 14 | 17 | 28 | 49 | -21 | 26 |
| 20 | Monza | 36 | 3 | 9 | 24 | 27 | 64 | -37 | 18 |
Athugasemdir
