Höskuldur Gunnlaugs.
Kiddi Steindórs.
Höskuldur Gunnlaugsson, fyrirliði Breiðabliks, fór af velli í hálfleik þegar Breiðablik heimsótti KA í gær. Höskuldur lagði upp eina mark leiksins eftir hornspyrnu en þegar gengið var til búningsherbergja sást hann ræða við þjálfarann sinn þar sem hann fann fyrir óþægindum í nára.
Kristinn Steindórsson var sendur til að hita og kom inn á í upphafi seinni hálfleiks.
Kristinn Steindórsson var sendur til að hita og kom inn á í upphafi seinni hálfleiks.
Lestu um leikinn: KA 0 - 1 Breiðablik
Í samtali við Fótbolta.net í dag sagði Halldór Árnason, þjálfari Breiðabliks, að ekki væri hægt að segja nákvæmlega til um meiðslin á þessum tímapunkti, það kæmi betur í ljós á næstu dögum, en það væri ólíklegt að hann myndi spila gegn Vestra.
Breiðablik tekur á móti Vestra á fimmtudag í 16-liða úrslitum bikarsins og mætir svo Val á heimavelli í Bestu deildinni á mánudaginn eftir viku.
Í viðtali við Fótbolta.net í gær hrósaði þjálfarinn Kristni Steindórssyni fyrir hans innkomu í leikinn.
„Kiddi Steindórs kom inn á og var langbesti maður vallarins í seinni. Þegar reynir á breiddina þá stíga menn upp eins og Kiddi og hann var gjörsamlega sturlaður," sagði Dóri.
Besta-deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 22 | 12 | 6 | 4 | 47 - 27 | +20 | 42 |
| 2. Valur | 22 | 12 | 4 | 6 | 53 - 35 | +18 | 40 |
| 3. Stjarnan | 22 | 12 | 4 | 6 | 43 - 35 | +8 | 40 |
| 4. Breiðablik | 22 | 9 | 7 | 6 | 37 - 35 | +2 | 34 |
| 5. FH | 22 | 8 | 6 | 8 | 41 - 35 | +6 | 30 |
| 6. Fram | 22 | 8 | 5 | 9 | 32 - 31 | +1 | 29 |
| 7. ÍBV | 22 | 8 | 5 | 9 | 24 - 28 | -4 | 29 |
| 8. KA | 22 | 8 | 5 | 9 | 29 - 39 | -10 | 29 |
| 9. Vestri | 22 | 8 | 3 | 11 | 23 - 28 | -5 | 27 |
| 10. KR | 22 | 6 | 6 | 10 | 42 - 51 | -9 | 24 |
| 11. ÍA | 22 | 7 | 1 | 14 | 26 - 43 | -17 | 22 |
| 12. Afturelding | 22 | 5 | 6 | 11 | 29 - 39 | -10 | 21 |
Athugasemdir
