Pressley byrjaði feril sinn í Florida State háskólanum og fór þaðan í bandarísku atvinnumannadeildina. Hún á mikinn fjölda leikja í þessari sterku deild með ýmsum liðum, en hún hefur einnig spilað í Ástralíu og Rússlandi á sínum ferli.

Pressley, sem spilaði mikið fyrir yngri landslið Bandaríkjanna, hefur leikið með Orlando frá 2016 en hún sneri til baka á völlinn árið 2019 eftir að hafa sigrað baráttu við brjóstakrabbamein.

Núna er hún komin til Íslands og mun spila í vörn Breiðabliks í sumar, en þetta ætti augljóslega að vera mikill liðsstyrkur fyrir Blika.

Árið 2021 var Pressley trúlofuð Mörtu, einni bestu fótboltakonu sögunnar, en það slitnaði upp úr sambandi þeirra stuttu síðar.