Það verður rosalega fróðlegt að sjá hvaða spekingar verða í sjónvarpsþættinum Match of the Day á BBC á morgun en það vill enginn mæta í þáttinn eftir að Gary Lineker var látinn stíga til hliðar vegna ummæla á Twitter.
Lineker tjáði sig um nýja stefnu ríkisstjórnar sem varðar flóttafólk en hann líkti stefnunni við þá sem Þjóðverjar notuðu í kringum seinni heimsstyrjöldina.
Þessi ummæli fóru fyrir brjóstið á ríkisstjórninni og sömuleiðis BBC (breska ríkisútvarpinu) en Lineker var látinn stíga til hliðar vegna brota á reglum sem varða hlutleysi.
Hann mun því ekki stýra þættinum á morgun en það virðist enginn hafa áhuga á að mæta. Ian Wright, sem er yfirleitt með honum í settinu, sýnir samstöðu og mætir ekki og þá hefur Alan Shearer einnig neitað að vera með.
Alex Scott og Mark Chapman, sem eru einnig þáttastjórnendur á BBC, hafa einnig neitað að taka þetta að sér. Jermaine Jenas og Micah Richards eru iðulega gestir í þættinum en þeir áttu ekki að vera á morgun. Þeir sendu samt sem áður frá sér tilkynningu um að þeir hefðu hafnað boðinu.
Það verður því mjög áhugavert að sjá hvort BBC> takist að sannfæra einhvern um að vera í þessum ágæta þætti.
I have informed the BBC that I won’t be appearing on MOTD tomorrow night.
— Alan Shearer (@alanshearer) March 10, 2023
FYI… pic.twitter.com/UboKKdTjxG
— Alex Scott MBE (@AlexScott) March 10, 2023
I was not due to be working on MOTD tomorrow, but if I was, I would find myself taking the same decision that @IanWright0 & @alanshearer have.
— Micah Richards (@MicahRichards) March 10, 2023
Been on air with the one show. I wasn’t down to be doing match of the day tomorrow, but if I was I would of said no and stood with my fellow pundits and @GaryLineker
— Jermaine Jenas (@jjenas8) March 10, 2023
Athugasemdir