Byrjunarlið KR og ÍBV: Elmar á bekknum - Kristinn utan hóps

KR tryggði sér sæti í undanúrslitum Mjólkurbikarsins nú á dögunum með sigri á Stjörnunni. Rúnar Kristinsson þjálfari KR gerir 3 breytingar frá þeim leik. Grétar Snær, Benoný Breki og Aron Þórður koma inn í byrjunarliðið. Þeir Olav Öby og Theodór Elmar taka sér sæti á bekknum en Kristinn Jónsson er utan hóps.

ÍBV vann frækinn 3-0 sigur á HK í Vestmannaeyjum í síðustu umferð, Hermann Hreiðarsson gerir tvær breytingar á liðinu. Tómas Bent og Eyþór Daði koma báðir í byrjunarliðið á kostnað Alex Freys og Elvis Bwomono en hann er í banni vegna uppsafnaðra spjalda. Eiður Aron og Halldór Jón Sigurður Þórðarson eru báðir meiddir og því ekki með í dag.