Kólumbíumaðurinn Jhon Duran átt enn eina risa frammistöðuna inn af bekknum hjá Aston Villa er liðið vann Leipzig, 3-2, í Meistaradeildinni í kvöld.
Duran hefur verið iðinn við kolann í haust og vetur en hann er alls kominn með tíu mörk, þar af sex af bekknum.
Hann kom inn í hálfleik gegn Leipzig og gjörbreytti leiknum með því að skora stórbrotið mark fyrir utan teig og þá átti hann þátt í sigurmarkinu sem Ross Barkley skoraði.
Sky Sports valdi hann besta mann leiksins með 9 í einkunn.
„Ég er bara ánægður að vera hér og ég elska samkeppnina sem er á milli mín á Ollie Watkins. Þegar röðin er komin að mér þá stíg ég upp og vonandi hjálpa ég liðinu með því að skora. Ég er ánægður,“ sagði Duran í viðtali við Sky.
Aston Villa er komið í afar góða stöðu í Meistaradeildinni en liðið er með 13 stig og með annan fótinn í umspilið.
Athugasemdir
