Sol Bamba, varnarmaður Cardiff City í ensku B-deildinni, greindist með krabbamein á dögunum en félagið greinir frá þessu í tilkynningu í kvöld.
Bamba er 35 ára gamall og í miklum metum hjá stuðningsmönnum Cardiff.
Hann hefur spilað 117 leiki fyrir Cardiff og skorað í þeim 10 mörk en hann berst nú við krabbamein.
Bamba greindist með eitilfrumukrabbamein og mun nú hefja lyfjameðferð.
„Sol Bamba, sem er dáður og dýrkaður af liðsfélögum, þjálfaraliðinu og stuðningsmönnum í velsku höfuðborginni hefur hafið baráttuna af jákvæðni og verður áfram mikilvægur partur af Cardiff fjölskyldunni," segir í tilkynningu Cardiff.
„Allar uppfærslur sem tengjast ferli Sol verða aðeins aðgengilegar á opinberum svæðum Cardiff City. Við biðjum auðvitað fólk að virða einkalífið hans og fjölskyldu hans á þessum tímum en hægt verður að senda stuðningskveðjur í gegnum [email protected]."
„Við erum öll með þér, Sol," segir í lokin.
Athugasemdir