lau 11. mars 2023 10:00
Brynjar Ingi Erluson
Bætti met Hazard hjá Lille
Mynd: EPA
Kanadíski framherjinn Jonathan David er markahæsti leikmaður franska félagsins Lille á þessari öld og bætti hann þar með met belgíska leikmannsins Eden Hazard.

David skoraði þrennu í 3-3 jafntefli liðsins við Lyon í frönsku deildinni í gær.

Hann er nú kominn með 52 mörk fyrir Lille frá því hann kom til félagsins frá Gent fyrir þremur árum.

Enginn leikmaður Lille hefur skorað fleiri mörk en David á þessari öld en hann bætti met Eden Hazard frá 2012.

Hazard skoraði 50 mörk fyrir Lille á fimm árum sínum með aðalliði félagsins áður en Chelsea keypti hann fyrir 32 milljónir punda.

David er einn eftirsóttasti framherji Evrópu og verður gaman að sjá hvað hann gerir í sumar.
Athugasemdir
banner
banner
banner