Argentínski snillingurinn Lionel Messi lagði upp 300. mark sitt fyrir félagslið sín er Paris Saint-Germain lagði Brest 2-1 í frönsku deildinni í kvöld en hann er sá eini í sögunni sem hefur náð þessum áfanga.
Útlit var fyrir að PSG myndi gera jafntefli við Brest en undir lok leiks tapaði Brest boltanum og átti Nuno Mendes konfektsendingu á Messi sem stakk honum inn fyrir á Kylian Mbappe.
Franski sóknarmaðurinn gerði svo það sem hann gerir best, sólaði markvörðinn áður en hann lagði boltann í autt markið.
Stoðsending Messi var sú 300. á ferlinum fyrir félagslið sín en enginn leikmaður sögunni hefur afrekað það. Ágætis afrek það.
300 CLUB CAREER ASSISTS FOR LIONEL MESSI ???? pic.twitter.com/xG5bOM8W84
— GOAL (@goal) March 11, 2023
Athugasemdir