„Það hefði verið fínt að klára þetta en Grindavík er með gott lið og þegar upp er staðið er þetta fínt stig fyrir okkur," sagði Pétur Pétursson þjálfari Fram eftir 1-1 jafntefli við Grindavík í dag.
Lestu um leikinn: Fram 1 - 1 Grindavík
„Þeir fengu tíu daga frí fyrir þennan leik á meðan við spiluðum erfiðan leik á þrðjudag og það sat aðeins í okkur."
Framarar vildu fá víti þegar Alexander Aron Davorsson fór upp hægra megin en Halldór Breiðfjörð dæmdi aukaspyrnu í staðinn. „Hann var langt inn í vítateig. Það var líka pjúra víti þegar að markvörðurinn fór í Tryggva," sagði Pétur.
Félagaskiptaglugginn opnar á miðvikudag og Framarar eru í leit að liðsstyrk.
„Ég vonast til þess að við getum breikkað hópinn hjá okkur og það er eitthvað í kortunum."
Hér að ofan má sjá viðtalið í heild sinni.
