Á 64. mínútu leiks Vestra og Fram gerðu gestirnir úr Fram tilkall til vítaspyrnu. Brasilíumaðurinn Fred féll við inn á vítateig Vestra.
Þarna var staðan 1-2 fyrir Vestra en strax á næstu mínútu jafnaði Vestri leikinn. Rúnar Kristinsson, þjálfari Fram, var spurður út í atvikið sem textalýsirinn Guðmundur Jónasson lýsti svona:
„Fred sloppinn í gegn, reynir að taka boltann framhjá Guy Smit en Guy sýnist mér taka boltann en Fred fellur inn í teig og Fram vilja fá víti."
Þarna var staðan 1-2 fyrir Vestra en strax á næstu mínútu jafnaði Vestri leikinn. Rúnar Kristinsson, þjálfari Fram, var spurður út í atvikið sem textalýsirinn Guðmundur Jónasson lýsti svona:
„Fred sloppinn í gegn, reynir að taka boltann framhjá Guy Smit en Guy sýnist mér taka boltann en Fred fellur inn í teig og Fram vilja fá víti."
Lestu um leikinn: Vestri 3 - 2 Fram
Rúnar var búinn að spyrja sinn leikmann út í atvikið og sagði Jóhann Inga Jónsson, dómara leiksins, hafa gert rétt með því að dæma ekki vítaspyrnu.
„Hárrétt ákvörðun hjá Jóhanni Inga, hann var alveg ofan í þessu. Ég er búinn að spyrja Fred út í þetta og hann var alveg heiðarlegur með það að þetta var ekki vítaspyrna. Það var annað hvort varnarmaðurinn eða Guy Smit sem komst í boltann áður en hann datt. Fred flæktist bara um eigin fætur," sagði Rúnar. Viðtalið má nálgast í spilaranum neðst.
Vestri kom til baka í leiknum og vann á endanum 3-2 sigur. Sá sigur kom liðinu upp fyrir Fram í deildinni.
Besta-deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 22 | 12 | 6 | 4 | 47 - 27 | +20 | 42 |
| 2. Valur | 22 | 12 | 4 | 6 | 53 - 35 | +18 | 40 |
| 3. Stjarnan | 22 | 12 | 4 | 6 | 43 - 35 | +8 | 40 |
| 4. Breiðablik | 22 | 9 | 7 | 6 | 37 - 35 | +2 | 34 |
| 5. FH | 22 | 8 | 6 | 8 | 41 - 35 | +6 | 30 |
| 6. Fram | 22 | 8 | 5 | 9 | 32 - 31 | +1 | 29 |
| 7. ÍBV | 22 | 8 | 5 | 9 | 24 - 28 | -4 | 29 |
| 8. KA | 22 | 8 | 5 | 9 | 29 - 39 | -10 | 29 |
| 9. Vestri | 22 | 8 | 3 | 11 | 23 - 28 | -5 | 27 |
| 10. KR | 22 | 6 | 6 | 10 | 42 - 51 | -9 | 24 |
| 11. ÍA | 22 | 7 | 1 | 14 | 26 - 43 | -17 | 22 |
| 12. Afturelding | 22 | 5 | 6 | 11 | 29 - 39 | -10 | 21 |
Athugasemdir
