Heimild: mbl.is
Óskar Örn Guðbrandsson, starfsmaður KSÍ, segir í viðtali við mbl.is að miðasala á leik Íslands og Liechtenstein fari vel af stað í dag.
Leikurinn verður klukkan 18:45 á Laugardalsvelli en rúmlega 3.500 manns hafa sótt sér miða á leikinn.
Leikurinn verður klukkan 18:45 á Laugardalsvelli en rúmlega 3.500 manns hafa sótt sér miða á leikinn.
„Það er frábært veður í dag þó það sé pínu kalt en við vonumst að sjálfsögðu til þess að fólk mæti á völlinn og haldi uppi góðri stemningu," segir Óskar og segir að miðasalan hafi gengið framar vonum það sem af er degi.
Aðeins voru tæplega 1.700 áhorfendur á leik Íslands og Armeníu á föstudaginn en það stefnir í talsvert betri mætingu í kvöld.
Börn 16 ára og yngri fá frítt á leikinn en allir þurfa að sækja sér miða í gegnum miðasölukerfi KSÍ.
Athugasemdir