Carlo Ancelotti, stjóri Everton, segir að bestu stjórar heims séu í ensku úrvalsdeildinni. Þá segir hann einnig að þeir geti ekki átt nána vináttu sín á milli vegna hversu þétt það er spilað.
Stærstu nöfn heims þjálfa á Englandi þar sem Jurgen Klopp og Pep Guardiola hafa barist á toppi deildarinnar undanfarin ár. Jose Mourinho, sem hefur unnið bikara í fjórum mismunandi löndum, virðist ætla berjast um titilinn með Tottenham á þessari leiktíð.
Ancelotti og hans lærisveinar í Everton byrjuðu tímabilið vel en hafa nú tapað þremur leikjum í röð. Ítalinn segir að úrvalsdeildin sé svo samkeppnishæf vegna þess að bestu stjórar heims eru í deildinni.
„Það er satt að bestu stjórar heims eru í úrvalsdeildinni. Ég ber mikla virðingu fyrir þeim af því að vinnan okkar er svo erfið og flókin. Ég reyni að styðja samstarfsmenn mína hvenær sem ég get," sagði Ancelotti.
„Ég á ekki sérstaka vináttu með þeim af því að við höfum engan tíma til að hittast, borða og spjalla saman. Við erum alltaf uppteknir en samskipti okkar eru góð."
Athugasemdir
