Victor Lindelöf.
Victor Nilsson Lindelöf mun áfram bera fyrirliðabandið hjá sænska landsliðinu, sem nú er undir stjórn Graham Potter. Lindelöf hefur verið fyrirliði liðsins frá árinu 2021.
Potter tók við stjórnartaumunum á sænska landsliðinu fyrir nýhafinn landsliðsglugga, eftir að Jon Dahl Tomasson var látinn fara.
Svíþjóð á ekki lengur möguleika á að vinna sinn riðil í undankeppninni en gæti samt komist á HM þrátt fyrir að ná ekki öðru sætinu. Svíþjóð gæti komist í umspil vegna árangurs síns í Þjóðadeildinni þar sem liðið vann sinn riðil.
Lindelöf hefur fengið lítið að spila með Aston Villa í byrjun tímabilsins og aðeins komið við sögu í 21 mínútu í ensku úrvalsdeildinni. Hann hefur þó komið meira við sögu í Evrópudeildinni með liðinu.
„Ég tel hann reynslumikinn leikmann sem veit hvað þarf til í landsliðinu. Hann er góður leiðtogi innan hópsins og ég er nokkuð viss um að hann geti hjálpað okkur mikið við að koma skilaboðum til leikmannanna,“ sagði Potter á blaðamannafundi aðspurður um fyrirliðavalið.
Athugasemdir
