Tyrkneska knattspyrnusambandið (TFF) hefur bannað 1024 leikmönnum þátttöku í atvinnudeildum landsins vegna rannsóknar á ólöglegum veðmálum.
Samkvæmt tilkynningu TFF hafa leikmenn sem tengjast veðmálum, þar á meðal 27 úr efstu deild, verið vísaðir til aga- og siðanefndar í Tyrklandi. Stórliðið Besiktas staðfesti að tveir leikmenn félagsins hefðu verið vísaðir til nefndarinnar.
Í kjölfar málsins hefur tyrkneska knattspyrnusambandið ákveðið að fresta öllum leikjum í þriðju og fjórðu deild um tvær vikur, en leikir í tveimur efstu deildum halda áfram samkvæmt áætlun.
Tyrkneskir fjölmiðlar greina frá því að átta manns hafi verið handteknir vegna málsins, þar á meðal einn formaður félags.
Málið komst fyrst í hámæli 27. október, þegar Ibrahim Haciosmanoclu, forseti knattspyrnusambandsins, greindi frá því að hundruð dómara væru tengdir veðmálareikningum.
Hann sagði að af 571 dómara í tyrkneskum atvinnudeildum hefðu 371 átt veðmálareikninga og 152 þeirra stundað virkar veðsetningar.
