Hákon Arnar Haraldsson.
FC Kaupmannahöfn setti Ballon d'Or klásúlu í samning Hákonar Arnars Haraldssonar þegar hann var seldur til Lille í Frakklandi sumarið 2023.
Hákon var seldur fyrir um 15 milljónir evra en í samningnum eru klásúlur sem gætu hækkað þá upphæð.
Daniel Rommedahl, fyrrum starfsmaður FCK, sagði frá klásúlunni í samtali við hlaðvarpið Transferguru.
„Í samkomulaginu við Lille er klásúla ef Hákon Haraldsson vinnur Ballon d'Or þá fær FCK ákveðna upphæð. Maður veit aldrei," sagði Rommedahl.
„Þetta er bara lína í samningnum sem kostar ekki neitt."
Hákon hefur leikið mjög vel með Lille en er langt frá því að vinna Ballon d'Or verðlaunin á þessum tímapunkti. Þau eru veitt besta leikmanni heims ár hvert.
Athugasemdir
