Birkir, sem er leikjahæsti landsliðsmaður Íslands frá upphafi, var ekki í hóp þriðja leikinn í röð.

Þessi fjölhæfi miðjumaður fékk leyfi frá félaginu til að fara til Noregs í nokkra daga og eyða tíma með fjölskyldu sinni, en hann æfði með sínu gamla félagi, Viking, meðan hann var þar.

Staða Birkis hjá Adana er óskýr. Hann var ekki í hóp í dag og óvíst hvað tekur við en hann verður væntanlega í íslenska landsliðshópnum sem Arnar Þór Viðarsson tilkynnir á miðvikudag.

Birkir hefur aðeins spilað 217 mínútur í níu leikjum í deildinni á þessu tímabili en samningur hans við félagið rennur út í sumar.

Adana er sem stendur í 4. sæti deildarinnar með 42 stig.