Fyrir leikinn gegn Bournemouth í gær hafði Liverpool ekki fengið vítaspyrnu í deildinni síðan gegn Watford í apríl á síðasta ári, þrátt fyrir að liðið væri með flestar snertingar inn í teig andstæðingana.

Diogo Jota fiskaði vítið er hann skaut boltanum í hendina á Adam Smith. Mohamed Salah fór á punktinn en kraftmikið skot hans fór framhjá markinu.

Klopp var spurður út í vítaspyrnutölfræði Liverpool eftir leikinn.

„Mér finnst við hafa átt að fá fleiri víti, að mér finnst. Ég get ekki sagt þér nákvæmlega hvenær við áttum að fá þau en það hafa komið upp mörg atvik.“

„Það er haldið í Mo (Salah) fyrir utan teig og hann fær ekki aukaspyrnu. Það virðist vera þannig að það sé hægt að gera hvað sem er við Mo á vellinum en það hefur ekkert með úrslitin að gera, heldur bara því þú spurðir mig um vítaspyrnuna,“ sagði Klopp.