Ágúst Gylfason, þjálfari Blika.
Blikar sýndu ekki sama takt í dag og þeir höfðu gert í fyrstu tveimur umferðunum en sigurinn var ekki síður sætur.
Lestu um leikinn: Breiðablik 1 - 0 Keflavík
„1-0 sigrarnir eru oft fallegastir," sagði Ágúst Gylfason, þjálfari Breiðabliks, eftir að Keflavík var lagt á Kópavogsvelli.
„Það var flott að halda hreinu. Við áttum í miklum vandræðum með Keflavík en kláruðum þetta á einstaklingsframtaki Gísla."
Gísli Eyjólfsson byrjar mótið af miklum krafti. Verður ekki erfitt fyrir Breiðablik að halda honum vegna áhuga erlendis frá?
„Hann fer út í haust ef hann heldur uppteknum hætti. Það er enginn að fara að stoppa það. Það kemur mér bara á óvart að hann hafi ekki verið valinn í þennan HM hóp."
Athugasemdir
