Albert í leiknum.
Mæðradagurinn er haldinn hátíðlegur í dag og hafa ýmis félög í efstu deild ítalska boltans ákveðið að heiðra mæður leikmanna með að breyta um nöfn aftan á treyjunum.
AC Milan, Torino og Verona eru þar á meðal ásamt Genoa, félaginu sem Albert Guðmundsson spilar fyrir.
Vanalega eru leikmenn með ættarnöfn feðra sinna aftan á treyjum sínum, en í dag eru leikmenn þessara félaga með ættarnöfn mæðra sinna aftan á treyjunum.
Albert er vanalega með eiginnafnið sitt, Albert, aftan á treyjunni sinni en í dag prýðir Kristbjörg, nafn móður hans, treyjubakið.
Albert og félagar eru að spila heimaleik við Sassuolo og er staðan 0-1 fyrir gestina í hálfleik, eftir mark úr vítaspyrnu.
Athugasemdir
