Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
banner
   lau 12. júní 2021 21:36
Guðmundur Aðalsteinn Ásgeirsson
Magnús Már: Vantaði einhver 10 prósent upp á
Lengjudeildin
Magnús Már Einarsson, þjálfari Aftureldingar
Magnús Már Einarsson, þjálfari Aftureldingar
Mynd: Fótbolti.net - Hafliði Breiðfjörð
„Ég er svekktur að sjálfsögðu," sagði Magnús Már Einarsson, þjálfari Aftureldingar, við Viðburðarstofu Vestfjarða eftir tap gegn Vestra í Lengjudeildinni þennan laugardaginn.

„Við spiluðum ekki okkar besta leik í fyrri hálfleik en í síðari hálfleik svöruðum við vel. Strákarnir spýttu í lófana og gerðu þetta almennilega."

Vladimir Tufegdzic sá um að opna markareikninginn á Olísvellinum í dag en hann kom boltanum í netið fyrir Vestra undir lok fyrri hálfleiks.

Heimaliðið bætti við marki á 68. mínútu er Luke Morgan Rae skoraði og staðan orðin 2-0. Pedro Vazquez Vinas lagaði stöðuna fyrir Aftureldingu úr vítaspyrnu en lengra komust gestirnir ekki og 2-1 sigur Vestra niðurstaðan.

„Við hefðum getað skorað fleiri mörk og fengið eitthvað út úr þessu... Það vantaði einhver 10 prósent upp á hjá strákunum. Ég kann svo sem engar skýringar á því af hverju það var. Við fórum yfir málin í hálfleik og þetta var mun betra í seinni hálfleik. Við þurfum að spila 90 mínútur þannig í næsta leik."

Hægt er að sjá allt viðtalið hér að neðan.


Athugasemdir
banner
banner