Cyera Makenzie Hintzen

Mynd: Fótbolti.net - Hafliði Breiðfjörð

Stjarnan og Valur áttust við í undanúrslitum Mjólkurbikars kvenna í kvöld. Búist var við hörku leik en allt kom fyrir ekki. Valur var með rosalega yfirburði í fyrri hálfleik.

Strax á 7. mínútu kom Mist Edvardsdóttir Valskonum yfir þegar hún skallaði boltann á magnaðann hátt í netið. Hún stýrði föstu skoti Önnu Rakelar á markið með höfðinu.

Á 25. mínútu tvöfaldaði Cyera Makenzie Hintzen forystuna eftir skelfileg mistök í vörn Stjörnukvenna. Hún var síðan aftur á ferðinni 10 mínútum síðar þegar hún skoraði þriðja mark Vals.

Þannig var staðan í hálfleik en síðari hálfleikur var öllu rólegri. Valur var komið í góða stöðu en  Jasmín Erla Ingadóttir klóraði í bakkann á loka mínútu venjulegs leiktíma. 3-1 lokatölur.

Valur mætir sigurvegaranum úr leik Selfoss og Breiðabliks sem mætast á morgun.

Valur er sigursælasta lið keppninnar en liðið var síðast í úrslitum árið 2012 þegar liðið tapaði gegn Stjörnunni 1-0.