Félagið vonaðist til að búið yrði að ljúka við framkvæmd nýs leikvangs fyrir stórleikinn gegn Rauðu djöflunum en nú hefur borist þess staðfesting að svo er ekki.

Það hefur gengið brösulega að byggja nýjan leikvang, sem átti að vera tilbúinn síðasta sumar.

„Við áttum okkur á því að þetta hefur ekki gengið vel og það kemur niður á stuðningsmönnum, en við erum loksins byrjuð að sjá niðurstöðurnar sem við vildum sjá," sagði Daniel Levy, forseti Tottenham.

„Ég vil ekki staðfesta neinar dagsetningar fyrr en allt er klappað og klárt. Við erum mjög pirruð yfir þessu máli en þetta verður allt þess virði að lokum. Ég vil biðja ykkur stuðningsmenn afsökunar og þakka ykkur fyrir þolinmæðina."