Harry Kane er vanur að fagna mörkum.
Tottenham hefur hafið viðræður við Harry Kane um nýjan samning en félagið vill koma í veg fyrir að missa markaskorara sinn í sumar.
Kane skoraði tvívegis í 3-1 sigri Spurs gegn Nottingham Forest á laugardaginn og er samtals kominn með 22 mörk á tímabilinu.
Kane skoraði tvívegis í 3-1 sigri Spurs gegn Nottingham Forest á laugardaginn og er samtals kominn með 22 mörk á tímabilinu.
Gildandi samningur Kane rennur út eftir næsta tímabil og Manchester United og Bayern München hafa áhuga.
Viðræðurnar við Kane gætu dregist á langinn og Tottenham er sagt bilbúið að láta þær malla áfram inn í nýtt tímabil ef þörf er á.
Ef Kane verður seldur í sumar verður það ekki á neinu afsláttarverði, Daniel Levy vill að minnsta kosti 100 milljónir punda fyrir þennan 29 ára fyrirliða enska landsliðsins.
Kane hefur verið að nálgast markamet Alan Sherar í ensku úrvalsdeildinni. Kane er með 203 mörk en Shearer skoraði 260 mörk.
Ákvörðun Kane gæti legið í því hver sé líklegur til að verða stjóri Tottenham á næsta tímabili. Samningur Antonio Conte rennur út í sumar og talið líklegt að hann yfirgefi félagið.
Athugasemdir
