36. umferð ítalska boltans lauk með 2-0 sigri Inter gegn Chievo í kvöld. Sigurinn kemur sér afar vel fyrir Inter sem er í harðri baráttu um síðustu Meistaradeildarsætin.
Heimamenn voru við stjórn frá upphafi til enda og verðskulduðu sigurinn fyllilega. Matteo Politano skoraði í fyrri hálfleik en Inter tókst ekki að bæta við þrátt fyrir mikla yfirburði.
Nicola Rigoni, leikmaður Chievo, fékk sitt annað gula spjald á 76. mínútu og tókst Ivan Perisic í kjölfarið að tryggja sigurinn. Inter er í þriðja sæti, einu stigi fyrir ofan Atalanta og fjórum fyrir ofan AC Milan.
Bologna fór þá langleiðina með að tryggja sæti sitt í deildinni með 4-1 sigri gegn Parma. Heimamenn voru betri allan leikinn en tókst ekki að koma knettinum í netið fyrr en Riccardo Orsolini skoraði á 52. mínútu.
Skömmu síðar tvöfaldaði Luigi Sepe, markvörður Parma, forystu heimamanna með sjálfsmarki. Lagleg aukaspyrna Erick Pulgar fór þá í stöngina, Luigi Sepe markvörð Parma og þaðan í netið.
Bruno Alves, einn reyndasti leikmaður Parma, gerðist sekur um slæm mistök á 62. mínútu. Hann fékk gult spjald fyrir harkalegt brot og í sömu andrá annað spjald fyrir að reyna að rífa andstæðinginn á fætur með að toga fast í treyjuna hans.
Tíu leikmenn Parma áttu litla möguleika og endaði leikurinn með sanngjörnum 4-1 sigri Bologna.
Bologna er fimm stigum frá falli þegar tvær umferðir eru eftir. Parma er þremur stigum frá falli.
Bologna 4 - 1 Parma
1-0 Riccardo Orsolini ('52)
2-0 Luigi Sepe ('59, sjálfsmark)
3-0 Lyanco ('72)
3-1 Roberto Inglese ('81)
4-1 Francisco Sierralta ('84, sjálfsmark)
Rautt spjald: Bruno Alves, Parma ('62)
Inter 2 - 0 Chievo
1-0 Matteo Politano ('39)
2-0 Ivan Perisic ('86)
Rautt spjald: Nicola Rigoni, Chievo ('76)
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 29 | 22 | 2 | 5 | 65 | 23 | +42 | 68 |
| 2 | Milan | 29 | 17 | 9 | 3 | 44 | 21 | +23 | 60 |
| 3 | Napoli | 29 | 18 | 5 | 6 | 45 | 30 | +15 | 59 |
| 4 | Como | 29 | 15 | 9 | 5 | 48 | 22 | +26 | 54 |
| 5 | Juventus | 29 | 15 | 8 | 6 | 51 | 28 | +23 | 53 |
| 6 | Roma | 29 | 16 | 3 | 10 | 39 | 23 | +16 | 51 |
| 7 | Atalanta | 29 | 12 | 11 | 6 | 40 | 27 | +13 | 47 |
| 8 | Bologna | 29 | 12 | 6 | 11 | 38 | 34 | +4 | 42 |
| 9 | Lazio | 29 | 10 | 10 | 9 | 29 | 28 | +1 | 40 |
| 10 | Sassuolo | 29 | 11 | 5 | 13 | 35 | 39 | -4 | 38 |
| 11 | Udinese | 29 | 10 | 6 | 13 | 33 | 42 | -9 | 36 |
| 12 | Parma | 29 | 8 | 10 | 11 | 21 | 36 | -15 | 34 |
| 13 | Genoa | 29 | 8 | 9 | 12 | 36 | 40 | -4 | 33 |
| 14 | Torino | 29 | 9 | 6 | 14 | 32 | 50 | -18 | 33 |
| 15 | Cagliari | 29 | 7 | 9 | 13 | 31 | 41 | -10 | 30 |
| 16 | Lecce | 29 | 7 | 6 | 16 | 21 | 39 | -18 | 27 |
| 17 | Fiorentina | 28 | 5 | 10 | 13 | 30 | 42 | -12 | 25 |
| 18 | Cremonese | 28 | 5 | 9 | 14 | 22 | 40 | -18 | 24 |
| 19 | Pisa | 29 | 2 | 12 | 15 | 23 | 49 | -26 | 18 |
| 20 | Verona | 29 | 3 | 9 | 17 | 22 | 51 | -29 | 18 |
Athugasemdir
