Fótbolti.net

mán 13. maí 2019 09:53

Elvar Geir Magnússon

Mirror gefur hverju liði í ensku deildinni einkunn

Manchester City lyfti Englandsmeistarabikarnum annað árið í röð eftir að hafa skákað Liverpool naumlega. Chelsea og Tottenham höfðu betur gegn Arsenal og Manchester United í baráttunni um að enda í topp fjórum.

Á hinum enda töflunnar fylgir Cardiff liðum Huddersfield og Fulham niður í Championship.

Nú þegar tímabilinu er lokið ákváðu blaðamenn Mirror að henda einkunnum á öll tuttugu lið deildarinnar fyrir frammistöðu tímabilsins.

Arsenal: B-
Unai Emery mistókst að koma Arsenal aftur í topp fjóra en liðið er á leið í úrslitaleik Evrópudeildarinnar.

Bournemouth: B
Enduðu aftur á þægilegum stað um miðja deild.

Brighton: C
Kaupin á Alireza Jahanbakhsh skiluðu litlu og liðið hefur átt afar slæmt 2019. Búið er að reka Chris Hughton.

Burnley: C-
Það var alltaf ljóst að það yrði ómögulegt að leika síðasta tímabil eftir.

Cardiff: C
Neil Warnock gerði ótrúlega vel í að halda voninni á lífi þrátt fyrir áföll á tímabilinu. Skortur á gæðum gerði það að verkum að fall var að lokum óumflýjanlegt.

Chelsea: B+
Fólk hélt að Maurizio Sarri yrði rekinn eftir 6-0 tap gegn Manchester City í febrúar. Þremur mánuðum seinna og Chelsea er öruggt með Meistaradeildarsæti og á leið í úrslitaleik Evrópudeildarinnar.

Crystal Palace: C+
Náði að forðast fallbaráttuna og það þrátt fyrir að hafa misst frá sér lykilmenn.

Everton: C+
Skortur á stöðugleika var helsti akkilesarhæll lærisveina Marco Silva.

Fulham: F
Fulham eyddi gríðarlegum fjárhæðum í nýja leikmenn en sá aldrei til sólar í deildinni.

Huddersfield: F
Var fallið í mars. Nýju leikmennirnir höfðu lítil áhrif.

Leicester: C+
Félagið gekk í gegnum erfiða tíma eftir að eigandinn Vichai Srivaddhanaprabha lést í þyrluslysi. Brendan Rodgers hefur sýnt að hann geti mögulega tekið næsta skref með liðið.

Liverpool: A
Þrátt fyrir að hafa mistekist að vinna úrvalsdeildina þá er ekkert hægt að setja út á tímabilið! Liðið er á leið í úrslitaleik Meistaradeildarinnar.

Manchester City: A+
Þrátt fyrir mikla pressu og þrýstinginn frá Liverpool þá áttu lærisveinar Pep Guardiola annað stórfenglegt tímabil.

Manchester United: D
Eftir að Mourinho var rekinn gekk vel á hveitibrauðsdögum Solskjær en svo fór allt aftur í bull.

Newcastle: B-
Liðið byrjaði tímabilið illa en Rafa Benítez var alltaf viss um að liðið myndi ná að rétta úr kútnum.

Southampton: C-
Eftir að Mark Hughes var rekinn reyndist gríðarlega vel heppnað að ráða Ralph Hasenhuttl.

Tottenham: B+
Fjórða árið í röð í topp fjórum ásamt því að komast í úrslitaleik Meistaradeildarinnar.

Watford: A-
Það er kominn betri stöðugleiki á Vicarage Road og liðið er á leið í úrslitaleik FA-bikarsins þar sem Manchester City verður mótherjinn.

Wolves: A
Úlfarnir hans Nuno Espirito Santo heilluðu fótboltaáhugamenn á tímabilinu.

West Ham: C
Óútreiknanlegir undir stjórn Manuel Pellegrini en niðurstaðan varð öruggt sæti um miðja deild.

		L	U	J	T	ms:	mf:	mun	Stig
1	Arsenal	38	26	7	5	71	27	+44	85
2	Man City	38	23	9	6	77	35	+42	78
3	Man Utd	38	20	11	7	69	50	+19	71
4	Aston Villa	38	19	8	11	56	49	+7	65
5	Liverpool	38	17	9	12	63	53	+10	60
6	Bournemouth	38	13	18	7	58	54	+4	57
7	Sunderland	38	14	12	12	42	48	-6	54
8	Brighton	38	14	11	13	52	46	+6	53
9	Brentford	38	14	11	13	55	52	+3	53
10	Chelsea	38	14	10	14	58	52	+6	52
11	Fulham	38	15	7	16	47	51	-4	52
12	Newcastle	38	14	7	17	53	55	-2	49
13	Everton	38	13	10	15	47	50	-3	49
14	Leeds	38	11	14	13	49	56	-7	47
15	Crystal Palace	38	11	12	15	41	51	-10	45
16	Nott. Forest	38	11	11	16	48	51	-3	44
17	Tottenham	38	10	11	17	48	57	-9	41
18	West Ham	38	10	9	19	46	65	-19	39
19	Burnley	38	4	10	24	38	75	-37	22
20	Wolves	38	3	11	24	27	68	-41	20