Ásmundur og Gregg Ryder bera saman bækur sinar.
Ásmundur Haraldsson aðstoðarþjálfari Þróttar var nokkuð brattur eftir 0-2 tap gegn sterku liði Selfyssinga. Fyrir leikinn hafði Þróttur einungis tapað einum leik í 1.deildinni en það breyttist í kvöld.
Lestu um leikinn: Selfoss 2 - 0 Þróttur R.
„Við spiluðum vel og við stjórnuðum leiknum. Þrátt fyrir það að vera einum færri þá vorum við að reyna að spila fótbolta og sækja mark."
„Við spiluðum ágætis fótbolta og vorum að halda í boltann og búa okkur til færi, við bara náðum ekki að setja mark á þá í kvöld. Á meðan við erum að reyna að skora mark einum færri þá bæta þeir við og þetta verður alltaf erfiðara."
Þróttarar hefðu getað aukið forrystu sína í 6 stig með sigri í kvöld.
„Við vissum það vel fyrir þetta mót að kæmumst ekki í gegnum það taplausir eða með fullt hús stiga. Við vissum að við myndum tapa einhverjum fótboltaleikjum, það bara gerist og það gerðist hér í kvöld."
Viðtalið við Ásmund má sjá hér að ofan.
