Juninho, yfirmaður knattspyrnumála hjá franska félaginu Lyon, viðurkennir það að miðjumaðurinn Houssem Aouar gæti verið á förum í sumar.
Aouar hefur vakið athygli stærri félagi með flottri frammistöðu hjá Lyon sem komið er í 8-liða úrslit Meistaradeildar Evrópu.
Manchester City og Juventus eru sögð á eftir honum, en Aouar, sem er 22 ára, á þrjú ár eftir af samningi og Lyon þarf því ekki að selja hann. Hann er metinn á 50 milljónir evra.
„Houssem Aouar? Þegar þú ert með frábæra leikmenn í þínum hóp er það eðlilegt að stærri félög með meiri fjárhagslegan styrk komi á eftir þeim leikmönnum," sagði Junino, sem var frábær spyrnumaður á sínum tíma, í samtali við RMC Sport.
„Það er alltaf hætta á að missa mikilvæga leikmenn. Ef við gerum það, þá er ég búinn að tala við forsetann um ráðstafanir sem við munum grípa til."
Athugasemdir
