Hinn bráðefnilegi Kayky er farinn út til Portúgals á lánssamningi eftir að hafa verið algjör lykilmaður með varaliði Manchester City í ensku varaliðadeildinni.
Kayky skoraði sex og gaf fjórar stoðsendingar í þrettán leikjum og reynir nú fyrir sér í fullorðinsbolta. Hann fer til Pacos de Ferreira sem leikur í efstu deild í Portúgal.
Kayky er 19 ára framherji sem var keyptur til Man City frá Fluminense í apríl í fyrra. Hann lék 29 leiki fyrir meistaraflokk félagsins áður en City borgaði um 15 milljónir punda fyrir táninginn.
Kayky fer á eins árs lánssamningi og er þetta leikmaður sem Pep Guardiola hefur mikla trú á. Það verður áhugavert að sjá hvernig honum mun ganga í Portúgal.
Hér fyrir neðan má sjá skemmtilegt kynningarmyndband þar sem Twitter rás Fabrizio Romano spilar stórt hlutverk.
Juramos que não foi uma encomenda do @FabrizioRomano. Mas vocês tanto pediram, por isso... 𝙃𝙀𝙍𝙀 𝙒𝙀 𝙂𝙊! 👊#DefendeOAmarelo #FCPF2223 pic.twitter.com/xX1JBcEUOV
— FC Paços de Ferreira (@fcpf) August 13, 2022