Árni Vilhjálmsson, leikmaður Zalgiris í Litháen, var í byrjunarliði liðsins er það gerði 1-1 jafntefli við Kauno Zalgiris í nágrannaslag í úrvalsdeildinni þar í landi.
Blikinn hefur byrjað ágætlega með Zalgiris síðan hann samdi við félagið í síðasta mánuði.
Hann skoraði strax í fyrsta leik og hjálpaði liðinu að vinna Ofurbikarinn en það var einmitt gegn Kauno Zalgiris.
Árni var í byrjunarliðinu annan leikinn í röð í dag er liðið gerði 1-1 jafntefli. Hann fór af velli undir lok leiksins.
Zalgiris er í 4. sæti deildarinnar með 4 stig eftir þrjá leiki.
Athugasemdir
