Hazard hefur átt erfiðan tíma frá því hann keyptur til Real Madrid fyrir allt að 100 milljónir evra sumarið 2019. Hann hefur átt í meiðslavandræðum og aldrei fundið neinn takt þegar hann hefur spilað fyrir Madrídarstórveldið.

Núna segir Hazard frá því í samtali við belgíska fjölmiðla að samband hans og Ancelotti sé ekki gott en Ítalinn virðist vera búinn að gefast upp á Hazard sem hefur ekki fengið að spila mínútu með félagsliði sínu eftir HM í Katar.

„Það er gagnkvæm virðing á milli mín og Ancelotti, en við tölum ekkert saman," segir Hazard.

Hazard á rétt rúmlega ár eftir af samningi sínum í spænsku höfuðborginni og hann stefnir á að klára þann samning.

„Ég vil vera áfram. Ég vonast til að spila svo ég geti sýnt hvað ég get gert."