Louis van Gaal, landsliðsþjálfari Hollands, valdi Janssen í úrtökuhóp fyrir leiki í Þjóðadeildinni. Sóknarmaðurinn bjóst ekki við því og var þess vegna búinn að skipuleggja brúðkaup sitt í kringum þessa leiki sem framundan eru.

Móðir leikmannsins, Annemarie Verstappen, hefur tjáð sig um málið. „Brúðkaupið hans mun klárlega fara fram. Þau eru búin að vera að skipuleggja það í heilt ár."

„Það kom honum mjög á óvart að vera valinn í hollenska landsliðið aftur. Þetta er bara úrtakshópur og það þarf því ekki að hugsa meira um þetta strax," segir móðir leikmannsins.

Janssen er 27 ára gamall sóknarmaður sem spilar núna með Monterrey í Mexíkó. Hann lék áður fyrr með Tottenham en tókst ekki að sýna sínar bestu hliðar þar.

Hann á að baki 17 landsleiki með Hollandi og hefur skorað í þeim sjö mörk. Síðasti landsleikur hans var árið 2017.