Það gæti orðið frekar vandræðalegt þegar McClaren mætir á æfingasvæðið eftir sumarfrí því hann er búinn að gagnrýna leikmenn liðsins - og þá sérstaklega einn leikmann - nokkuð harðlega á opinberum vettvangi.

McClaren var til talks á Talksport útvarpsstöðinni í janúar eftir 1-0 sigur United gegn Aston Villa í FA-bikarnum.

Þar gagnrýndi hann viðhorf og líkamstjáningu Marcus Rashford, sem átti skelfilegt tímabil hjá Man Utd.

„Ég hata svona viðhorf hjá leikmanni," sagði McClaren um Rashford.

„Líkamstjáning er svo mikilvæg hjá fótboltamönnum... og þetta er búið að vera vandamál hjá Rashford allan hans feril. Hann verður pirraður alltof auðveldlega og berst ekki í gegnum erfiðu augnablikin. Hann nær ekki að halda sér í leiknum. Ef hann á ekki góðan fyrri hálfleik, þá á hann aldrei góðan seinni."

„Ég lít á hann og sé strák sem vantar hjálp."

McClaren sagði að Rashford væri með mikla hæfileika en vantaði að ná betri tökum á hugarfari sínu.

Kannski að McClaren muni ná til Rashford og hjálpa honum. Hann verður að gera betur á næstu leiktíð ef hann ætlar sér að eiga feril hjá Man Utd.