Sean Dyche þjálfari Nottingham Forest var svekktur eftir tap á heimavelli gegn Everton í ensku úrvalsdeildinni í gærkvöldi.
Heimamenn í Nottingham voru sterkara liðið en tókst ekki að setja boltann í netið. Gestirnir skoruðu hins vegar tvö mörk þar sem James Garner var hetjan með mark í fyrri hálfleik og stoðsendingu í þeim seinni. Lokatölur 0-2.
„Við vorum ekki nægilega góðir en við mættum sterkum andstæðingum sem vörðust vel. Ég þekki hópinn hjá Everton mjög vel og þeir stóðu sig vel í dag. Við gáfum þeim alltof auðveld tækifæri og þeir refsuðu okkur," sagði Dyche sem telur að leikmenn sínir séu ennþá pirraðir eftir dramatískt tap gegn Manchester City um helgina.
Dyche var gríðarlega ósáttur með dómgæsluna þar sem hann sagði dómarann hafa gefið Man City sigurinn.
„Við vorum ennþá smá pirraðir eftir Manchester City leikinn útaf þessari tilfinningu sem við höfum um að eitthvað hafi verið tekið af okkur. Við áttum skilið að fá að minnsta kosti eitt stig þar en í dag vorum við alltof barnalegir og töpuðum gegn reynslumiklum andstæðingum í leik sem við stjórnuðum. Við vorum alltof hægir og fyrirsjáanlegir."
Forest er með 18 stig eftir 19 umferðir, fjórum stigum fyrir ofan fallsæti.
„Þetta er hæfileikaríkur leikmannahópur en það vantar reynsluna. Þetta eru ungir leikmenn með litla reynslu úr úrvalsdeildinni og þeir réðu ekki við reynslumikið lið Everton."
Dyche var einnig spurður hvort Forest hyggst kaupa inn nýja leikmenn í janúar í ljósi arfaslaks gengis á fyrri hluta tímabils.
„Við erum alltaf að horfa í kringum okkur en við munum ekki fá inn nýja leikmenn nema að þeir passi vel í hópinn."
Dyche þjálfaði Everton í tvö ár frá janúar 2023 til 2025 og tók við Forest í seinni hluta október.
27.12.2025 18:45
Dyche mjög ósáttur með dómgæsluna
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 31 | 21 | 7 | 3 | 61 | 22 | +39 | 70 |
| 2 | Man City | 30 | 18 | 7 | 5 | 60 | 28 | +32 | 61 |
| 3 | Man Utd | 31 | 15 | 10 | 6 | 56 | 43 | +13 | 55 |
| 4 | Aston Villa | 31 | 16 | 6 | 9 | 42 | 37 | +5 | 54 |
| 5 | Liverpool | 31 | 14 | 7 | 10 | 50 | 42 | +8 | 49 |
| 6 | Chelsea | 31 | 13 | 9 | 9 | 53 | 38 | +15 | 48 |
| 7 | Brentford | 31 | 13 | 7 | 11 | 46 | 42 | +4 | 46 |
| 8 | Everton | 31 | 13 | 7 | 11 | 37 | 35 | +2 | 46 |
| 9 | Fulham | 31 | 13 | 5 | 13 | 43 | 44 | -1 | 44 |
| 10 | Brighton | 31 | 11 | 10 | 10 | 41 | 37 | +4 | 43 |
| 11 | Sunderland | 31 | 11 | 10 | 10 | 32 | 36 | -4 | 43 |
| 12 | Newcastle | 31 | 12 | 6 | 13 | 44 | 45 | -1 | 42 |
| 13 | Bournemouth | 31 | 9 | 15 | 7 | 46 | 48 | -2 | 42 |
| 14 | Crystal Palace | 30 | 10 | 9 | 11 | 33 | 35 | -2 | 39 |
| 15 | Leeds | 31 | 7 | 12 | 12 | 37 | 48 | -11 | 33 |
| 16 | Nott. Forest | 31 | 8 | 8 | 15 | 31 | 43 | -12 | 32 |
| 17 | Tottenham | 31 | 7 | 9 | 15 | 40 | 50 | -10 | 30 |
| 18 | West Ham | 31 | 7 | 8 | 16 | 36 | 57 | -21 | 29 |
| 19 | Burnley | 31 | 4 | 8 | 19 | 33 | 61 | -28 | 20 |
| 20 | Wolves | 31 | 3 | 8 | 20 | 24 | 54 | -30 | 17 |
Athugasemdir
