Blackburn Rovers tekur á móti Wrexham frá Wales í fyrsta leik 25. umferðar en Andri Lucas Guðjohnsen verður ekki með vegna meiðsla.

Birmingham heimsækir svo Watford en Willum Þór Willumsson og Alfons Sampsted léku allan leikinn í jafntefli Birmingham gegn Southampton nýliðinn mánudag.

Á sama tíma spilar Preston North End heimaleik gegn botnliði Sheffield Wednesday. Stefán Teitur Þórðarson er á mála hjá Preston en hefur ekki verið í hóp síðustu tvo leiki, mögulega vegna meiðsla eða veikinda.

Blackburn er fimm stigum fyrir ofan fallsæti, með 27 stig eftir 23 umferðir. Þeir eiga leik til góða og eru fjórum stigum á eftir Birmingham sem er um miðja deild með 31 stig. Preston er svo sex stigum þar fyrir ofan, með 37 stig, í baráttu um umspilssæti.

Í öðrum leikjum dagsins heimsækir topplið Coventry fallbaráttulið Charlton Athletic. Coventry er að gera magnaða hluti undir stjórn Frank Lampard, liðið er með átta stiga forystu í titilbaráttunni.

Middlesbrough situr í öðru sæti og heimsækir Derby County, sem er um miðja deild. Á meðan eiga Ipswich Town og Hull City, sem eru að anda ofan í hálsmálið á Middlesbrough í toppbaráttunni, heimaleiki.

Búist er við sigri hjá Ipswich gegn Oxford en Hull fær sterkt lið Stoke í heimsókn.

Leikir dagsins
12:30 Blackburn - Wrexham
15:00 Ipswich Town - Oxford United
15:00 Watford - Birmingham
15:00 Preston NE - Sheff Wed
15:00 Bristol City - Portsmouth
15:00 Derby County - Middlesbrough
15:00 Charlton Athletic - Coventry
15:00 Hull City - Stoke City
15:00 QPR - Norwich
15:00 Southampton - Millwall
15:00 Swansea - West Brom
17:30 Sheffield Utd - Leicester