Á morgun, laugardag, spilar Barcelona nágrannaslag við spútnik lið Espanyol. Spánarmeistarar Barca tróna á toppi La Liga með fjögurra stiga forystu sem stendur, þrettán stigum fyrir ofan Espanyol sem er óvænt í baráttu um meistaradeildarsæti.

Valencia og Athletic Bilbao eiga einnig útileiki á morgun áður en Villarreal mætir til leiks gegn Elche. Villarreal hefur verið að eiga frábært tímabil í deildinni og getur klifrað upp í þriðja sæti með sigri.

Sevilla og Real Madrid eiga svo heimaleiki á sunnudaginn. Sevilla spilar við botnlið Levante áður en Real Madrid tekur á móti Real Betis í spennandi slag. Madrídingar eru fjórum stigum á eftir Börsungum í titilbaráttunni eftir slakt gengi undanfarnar vikur og þurfa á sigri að halda. Betis er að gera fína hluti og situr í evrópusæti sem stendur.

Alavés og Mallorca eiga svo heimaleiki áður en Real Sociedad spilar við Atlético Madrid í lokaleik helgarinnar. Orri Steinn Óskarsson er enn fjarverandi vegna meiðsla og hefur Sociedad verið að ganga illa að undanförnu.

Liðsfélagar Orra Steins eru aðeins búnir að ná í eitt stig úr síðustu fjórum deildarleikjum, sem kom á útivelli gegn botnliði Levante. Atlético Madrid er aftur á móti í harðri baráttu í meistaradeildarsæti og þarf nokkra sigra í röð auk hagstæðra úrslita annars staðar til að geta strítt titilbaráttuliðunum.

Föstudagur
20:00 Rayo Vallecano - Getafe

Laugardagur
13:00 Celta Vigo - Valencia
15:15 Osasuna - Athletic Bilbao
17:30 Elche - Villarreal
20:00 Espanyol - Barcelona

Sunnudagur
13:00 Sevilla - Levante
15:15 Real Madrid - Real Betis
17:30 Alaves - Real Oviedo
17:30 Mallorca - Girona
20:00 Real Sociedad - Atletico Madrid