Úganda er úr leik í Afríkukeppninni eftir 3-1 tap gegn Nígeríu í gær.
Úganda lýkur því riðlakeppninni með eitt stig úr þremur leikjum eftir að hafa náð jafntefli gegn Tansaníu í 2. umferð.
Nígería mætti til leiks með varaliðið sitt í gær enda var þessi mikla fótboltaþjóð þegar búin að tryggja sér toppsæti C-riðils.
Varamenn Nígeríu eru þó feykilega öflugir og skópu þægilegan sigur gegn tíu leikmönnum Úganda sem lentu í miklu markvarðaveseni.
Denis Masinde Onyango byrjaði á milli stanga Úganda og fékk mark á sig í fyrri hálfleik. Staðan var 1-0 fyrir Nígeríu þegar hann meiddist í upphafi síðari hálfleiks og kom Salim Magoola inn af bekknum í hans stað.
Magoola var aðeins búinn að vera á vellinum í tíu mínútur þegar hann fékk að líta beint rautt spjald fyrir að handleika boltann utan vítateigs.
Þriðji markvörðurinn Nafian Alionzi hafði alls ekki búist við því að koma inn af bekknum gegn Nígeríu en það gerði hann á 59. mínútu og tókst ekki að stöðva Raphael Onyedika sem skoraði tvennu til að innsigla sigur Nígeríu, eftir stoðsendingar frá Samuel Chukwueze.
Uganda have used all of their 3 goalkeepers today, in the AFCON game vs Nigeria.: Starting keeper Denis Onyango went off injured. His replacement Salim Jamal Magoola then handled the ball outside the box and was sent off 10 mins later. Their 3rd choice Alionzi Nafian Legason then had to come on.
byu/GOAT-Antony insoccer
Athugasemdir
