Kiwior líður vel hjá stórveldi FC Porto.
Pólski varnarmaðurinn Jakub Kiwior leikur með FC Porto á láni frá Arsenal og hefur verið einn af allra bestu leikmönnum liðsins á fyrri hluta tímabils.
Kiwior er 25 ára gamall og ekki var pláss fyrir hann í ógnarsterkum leikmannahópi Arsenal. Piero Hincapié og Riccardo Calafiori eru meðal leikmanna sem geta spilað svipað hlutverk og Kiwior var ætlað í varnarlínunni.
Kiwior á tvö og hálft ár eftir af samningi við Arsenal en mjög miklar líkur eru á að Porto festi kaup á leikmanninum.
Lykiltölfræði Kiwior hjá Porto er sú að enginn andstæðingur er búinn að leika á hann það sem af er tímabils í portúgölsku deildinni.
Kiwior er ekki enn búinn að fá gult spjald í deildinni og er að brjóta af sér 0,4 sinnum á leik að meðaltali.
Arsenal borgaði rúmlega 20 milljónir evra til að kaupa Kiwior úr röðum Spezia sumarið 2023 og græðir nokkrar milljónir á að selja hann til Porto.
Athugasemdir
