Ísland í dag - Keppt í efstu deildum kvenna

Tindastóll spilar við Þrótt R. í Bestu deildinni og verður þetta erfiður leikur fyrir Sauðkrækinga sem eru í fallbaráttu, þremur stigum frá fallsæti.

Þróttarar hafa verið að gera flotta hluti í sumar og eru í þriðja sæti sem stendur, níu stigum á eftir toppliði Breiðabliks og með tvo leiki til góða.

Í Lengjudeildinni eru fimm leikir á dagskrá þar sem topplið ÍBV heimsækir Keflavík í fyrsta leik kvöldsins. Eyjakonur eru með sex stiga forystu á toppinum sem stendur á meðan Keflavík siglir lygnan sjó í neðri hlutanum þrátt fyrir að vera aðeins með 15 stig eftir 14 umferðir.

HK er í öðru sæti og tekur á móti ÍA á meðan Afturelding og Fylkir eigast við í botnslagnum.

Haukar og KR eiga einnig heimaleiki og að lokum eru þrír leikir sem fara fram í 4. deildinni.

Besta-deild kvenna
18:00 Tindastóll-Þróttur R. (Sauðárkróksvöllur)

Lengjudeild kvenna
18:00 Keflavík-ÍBV (HS Orku völlurinn)
19:15 Haukar-Grótta (BIRTU völlurinn)
19:15 KR-Grindavík/Njarðvík (Meistaravellir)
19:15 HK-ÍA (Kórinn)
19:15 Afturelding-Fylkir (Malbikstöðin að Varmá)

4. deild karla
19:15 Hamar-Kría (Grýluvöllur)
19:15 Vængir Júpiters-Elliði (Fjölnisvöllur - Gervigras)
20:00 KH-Hafnir (Valsvöllur)